Pelikino ta un programa di familiarisashon multi-lingue pa muchanan di 4 pa 8 aña. Familiarisashon tin komo meta pa muchanan kuminsá kustumbrá ku idiomanan estranhero. E método ta dirigí riba kultura di Antia Hulandes i muchanan ku na kas ta papia Papiamentu. E material di lès ta atraktivo i alegre. E forma ku Joes ta pinta e bestianan ta atraé atenshon di mucha chikí. E tantísimo ilustrashonnan ta perkurá pa koló den e klasnan kaminda ya Pelikino a hasi su entrada. E didáktika ta basá riba Total Physical Response; ku ta para pa siña idioma pa medio di akshon. Ku esaki ta dediká atenshon na e asina yamá ‘periodo ketu’. E intenshon ta pa skucha i komprondé e idioma estranhero Pa esaki Marjanne a desaroyá un instrumento ku dosentenan (i mayornan) por apliká fásil i ku muchanan ta eksperensiá plasentero. Dosentenan ku na 2009 a kuminsá apliká Pelikino ta entusiasmá i tin hopi gana di sigui ku Pelikino.

 

Meta di e proyekto ta pa logra dominio reseptivo di un vokabulario básiko di 1600 palabra, ku ta pone un base pa por sigui desaroyá e idiomanan aki.

 

Ta sigui e figuranan prinsipal Pelikino, Pelipappa i Pelimamma, kende nan den nan bida diario ta papia hulandes, di forma ku e muchanan por identifiká ku e bestianan for di promé tema. Pelikino tin dos amigu prinsipal. E dòlfein Delfino ku ta papia spañó, i e flamingo Mr. Flemming, ku ta papia ingles. Pa muchanan ku ta papia franses tin alabes Pinguino. E Peli- partidó di karta di Pelican-air tambe tin un ròl importante, pasobra e ta bula bai bin ku pòst di Peli entre e diferente paisnan.

 

E sistema ta konsistí di diferente parti, entre otro bukinan di instrukshon, plachinan pa kuenta, e wega di Pelikino, karchinan (flashkaarten) den kahitanan pa warda nan aden, e peluchenan Pelikino, Delfino, Mr. Flemming i Pinguino i bukinan ku ilustrashon.

 

Riba nos islanan e idioma hulandes ta un idioma estranhero, esei ta nifiká ku muchanan ta tende hulandes solamente na skol. Esaki ta eksigí ku mester atendé ku hulandes di un forma spesial. Hulandes alabes ta e idioma estranhero di mas importante. Esaki ta enserá ku muchanan finalmente mester dominá e idioma aki mihó ku otro idiomanan. E tempu ku tin disponibel pa dediká na hulandes no ta sufisiente. Pa e motibu ei ta importante ku mayornan ta duna sosten na nan yunan, no di e mesun forma ku ta hasié na skol, pero den forma di wega.

 

Den promé instansia a dirigí e programa riba e idiomanan hulandes, ingles i spañó pero danki na mas ku 1000 ilustrashon humorístiko i atraktivo por usa Pelikino den kasi tur idioma. Meta di e programa ta un dominio reseptivo di un vokabulario básiko ku kua sin problema por sigui ku kualke idioma estranhero òf un i dos método di idioma.