'Keuzes van ouders hoeven niet ten koste van werk te gaan' ANP/Redactie − 01/12/11,

na Kòrsou bastante mayor a bin skol. Mas ku 30 mayor di Kolegio Sheila Karel/Elis Juliana na Tera Korá a partisipá na un tayer dirigí pa señora Marjanne Wanders. Pa e projektó 3xM (Mayor, Material i Maestro). E proyekto 3xM ta un initiativa di Pelikino Foundation. E meta di e tayer tabata pa e mayornan siña kon nan por sostené nan yu den diferente idioma. Tur mayor ku a partisipá den e tayer a haña un kaha ku tur karchi di tópiko 1 pa bai kas kuné. Pelikino Foundation a regalá e skol e material pa un klas. E skolnan mes a buska un spònser pa e otro klas. E mayornan tabata masha impresioná ku e material bunita i nan a partisipá na un manera aktivo. Segun kabes di skol Kolegio Sheila Karel, jùfou Ada nan yu lo bai hopi dilanti ku e yudansa di e mayor. Tambe jùfrou Ada a splika e mayornan ku siman pasá e muchanan a pasa un tèst serka yùfrou Stella Hanse i for di e resultado di e tèst bo por a mira e diferensia remarkabel den e domino di Hulandes entre e muchanan ku a haña Pelikino i e muchanan ku nunka a traha ku Pelikino. Djàdumingu 4 di dezèmber, Marjanne Wanders a duna e mesun tayer na Oranjeskol. E dia ei tambe bastante mayor a partisipá mientras awaseru a kai hopi duri. Nan a haña un bon splikashon di kon nan por yuda nan yu na kas. Intersante tabata ku mayornan mes tabata papia diferente idioma: Papiamentu, Spaño, Fransès, Ingles i Hulandes. Marjanne Wanders a demonstrá e 5 stapnan ku ta forma e base didaktika di Pelikino.E dos jùfrou tambe tabata presente i nan a splika e mayornan ku e muchanenan ta stima Pelikino i su amigonan Mr.Flemming, i Delfino masha hopi mes. Nan no tin mag di lubida duna les ku Pelikino pasobra e muchanan mes lo kòrda jùfrou.